Metro keçidlərində ticarətin ləğvindən sonra orada işləyən tacirlərə verilən vədə əməl olunmayıb.

Axar.az-a bu barədə məlumat verən tacirin sözlərinə görə, köşk sahiblərinə işləyəcəkləri "Metro" Ticarət Mərkəzində imtiyazlar tətbiq olunacağı, onlardan 2-3 ay icarə haqqı alınmayacağı və işlərini sahmana salana qədər güzəşt ediləcəyinə söz verilibmiş.

Amma "Metro" Ticarət Mərkəzində işləyənlərə heç bir güzəşt olunmayıb. Tacirlərdən elə ilk aydan yer haqqı ödəmək tələb olunub.

Qeyd edək ki, Tağı Əhmədov Metropoliten rəisi vəzifəsindən uzaqlaşdırılandan sonra onun yerinə təyin olunan Zaur Hüseynov metro keçidlərində ticarəti ləğv etdi və metronun bütün giriş-çıxışını sərnişinlərin ixtiyarına verdi.