Millət vəkili Qənirə Paşayeva Malayziyanın qadın təşkilatları, qeyri-hökumət təşkilatları, tanınmış şəxsiyyətləri ilə görüşüb.

Axar.az xəbər verir ki, millət vəkili görüş zamanı Azərbaycanın bütün istiqamətlərdə Malayziya ilə əməkdaşlığın inkişafına önəm verdiyini deyib.

Görüşdə iki ölkənin qadın siyasətçiləri, iş adamları, QHT və KİV nümayəndələri arasında münasibət və qarşılıqlı səfərlərin vacibliyi, əməkdaşlığın inkişafı üçün böyük perspektivlərin olduğu vurğulanıb.

Q.Paşayeva və Azərbaycanın fəal qadınlarından ibarət nümayəndə heyəti həmçinin Malayziyadakı səfirliyimizi ziyarət ediblər, bu ölkədəki səfirimiz Qaley Allahverdiyev və səfirliyin əməkdaşları ilə geniş fikir mübadiləsi aparıblar.

Nümayəndə heyəti səfər çərçivəsində Malayziyanın yeni inzibati mərkəzi Putrajayanı da ziyarət edib.