Azərbaycanın Birinci xanımı Mehriban Əliyevanın yubileyi ilə bağlı qızları Leyla və Arzu Əliyevalar, o cümlədən bacısı Nərgiz Paşayevanın qızları Aida və Ülviyyə Mahmudovalar Feysbuk sosial şəbəkəsindən təbrik yazıblar.

Axar.az xəbər verir ki, Heydər Əliyev Fondunun vitse-prezidenti Leyla Əliyeva təbrik statusunda bunları qeyd edib:

"Avqustun 26-da Azərbaycan Prezidenti İlham Əliyevin xanımı özünün 50 illik yubileyini qeyd edir. Bu zərif gənc qadının 50 illik yubiley yaşına inanmaq çətindir, halbuki o – üç nəvənin nənəsidir. Ölkənin birinci xanımı Heydər Əliyev Fondunun rəhbəridir, mayda bu fondun da 10 illiyi oldu. Bu illər ərzində Fondun yardım dairəsinə təkcə Azərbaycan deyil, Rusiya və digər ölkələr də düşdü".

Arzu Əliyeva "Ad gününüz mübarək, Mrs. Mehriban Əliyeva", Aida və Ülviyyə isə "Ad gününüz mübarək, Mehriban xanım", -deyə, fotolar paylaşıblar.