Kür çayında daha bir faciə yaşanıb.

Axar.az Fövqəladə Hallar Nazirliyinin mətbuat xidmətinə istinadən xəbər verir ki, Kür çayının Sabirabad rayonu Şıxsalahlı kəndi ərazisindən keçən hissəsində (ən yaxın xilasetmə məntəqəsindən 30 km aralı nəzarətsiz ərazidə) 2 nəfər suda batıb. Dərhal Fövqəladə Hallar Nazirliyinin sularda xilasetmə xidmətinin "Əli-Bayramlı" sularda xilasetmə məntəqəsinin xilasediciləri xüsusi avadanlıqlarla hadisə yerinə cəlb olunublar. Həmin gün saat 21:09-da batanlardan birinin, 1997-ci il təvəllüdlü Nərimanov Tərlan Azər oğlunun meyiti dalğıc-xilasedicilər tərəfindən tapılaraq sudan çıxarılıb və aidiyyəti üzrə təhvil verilib. Digər 1 nəfərin axtarışı Fövqəladə Hallar Nazirliyinin dalğıc-xilasediciləri tərəfindən davam etdirilir.