Azərbaycanlı qanuni oğru Hacıbaba Talıbxanlı (Hacı Beyləqanski) rus mafiyasının keçmiş lideri Aslan Usoyanın (Ded Xasan) ölümündə ittiham olunur.

Axar.az xəbər verir ki, bu barədə məlumatı Teleqram sosial şəbəkəsindəki “Mash” kanalı yayıb. Teleqram kanalı ələ keçirilən Beyləqanskiyə qarşı əməliyyatın Moskva polisinin yox, Federal Təhlükəsizlik Xidmətinin apardığını bildirib.

Qeyd edək ki, bundan öncə Rusiya mətbuatı Talıbxanlının “Ağ Ev” restoranında saxlanıldığını bildirib.

Talıbxanlı mərhum qanuni oğru Rövşən Lənkəranskinin ən yaxın adamlarından biri sayılırdı. Lənkəranskinin ölümündən sonra da Talıbxanlı ona xəyanət etməyib.

Bundan öncə Rusiya mətbuatı dəfələrlə Ded Xasanın ölümünün arxasında Rövşən Lənkəranskinin olması haqqında məlumat yayıb.