Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
18 İyun 2018


10-cu sinifdə 700 bal topladı: nazirə ilginc təklif - Foto

Ana səhifə Toplum
12 Punto 14 Punto 16 Punto 18 Punto

Nərimanov rayonunda yerləşən 45 nömrəli məktəbin 10Ç sinfində təhsil alan Fərid Əhmədli Dövlət İmtahan Mərkəzinin keçirdiyi sınaq imtahanında iştirak edərək, 700 bal toplayıb. O, bu nəticə ilə bütün yaşıdlarını geridə qoyub və Azərbaycanda bir ilkə imza atıb.

Fərid Əhmədli Axar.az-a açıqlamasında bu il keçiriləcək ali təhsil müəssisələrinə qəbul imtahanında iştirak etmək istədiyini deyib. O, attestatı olmadığı üçün imtahanda iştirak edə bilmədiyini qeyd edib:

“10-cu sinifdə oxumağıma baxmayaraq, iyunun 10-da DİM-in keçirdiyi sınaq imtahanlarında iştirak edib, 700 bal topladım. Belə bir nəticəni indiyə qədər göstərən olmayıb. Attestatım olmadığına görə qəbul imtahanında iştirak edə bilmədim. İstəyirəm ki, Təhsil Nazirliyi builki attestat imtahanında iştirak etməyimə icazə versin. Əgər belə olsa, dördüncü ixtisas qrupu üzrə iyulun 18-də keçiriləcək ikinci imtahanda iştirak edə biləcəm”.

F.Əhmədli bildirib ki, yüksək nəticə toplayaraq vaxtından tez qəbul imtahanında iştirak etmək üçün əvvəlcədən hazırlıq görüb:

“Bu vaxta qədər iştirak etdiyim dövlət imtahanlarında 680, 663, 655, ən sonuncuda isə 700 toplamışam. Yüksək bal toplamaq üçün həm məktəbə, həm də kursa getmişəm və çox çalışmışam. Kursdakı və orta məktəbdəki müəllimlərim 11-ci sinif üçün nəzərdə tutulan tədris proqramını tam şəkildə öyrənə bilməyimə imkan yaratdılar. Gələcəkdə həkimlik ixtisası üzrə ali təhsil almaq istəyirəm. Niyyətim cərrah olmaqdır”.

O, sinif adlamaq üçün keçirilən imtahanlardan məlumatsız olduğunu deyib:

“10-cu sinifdə oxuyan uşaqlara eksternat imtahanı təşkil olunur və onlar bir sinif qabağa atıla bilir. Dekabr ayında Bakı Şəhəri Baş Təhsil İdarəsinin təşkil etdiyi eksternat imtahanında iştirak etməmişəm, çünki bu imtahandan məlumatsız idim. Əslində, sənəd qəbulu da başa çatıb. Bunun həll olunması hələlik ikinci bir məsələdir”.

Fəridin atası Əhməd Əhmədli bildirib ki, oğlu dərs proqramını tam şəkildə mənimsədiyinə görə onun bir il də artıq oxumağına ehtiyac yoxdur:

“Həmin bir ili Fərid istədiyi hər hansı dili öyrənməyə, Azərbaycanımız üçün savadlı mütəxəssis kimi yetişməyə ayıra bilər”.

Tarix
2018.06.13 / 17:01
Müəllif
Büllurə Yunus
Şərhlər
Загрузка...
Digər xəbərlər

Parada hazırlıq: Bakıda məşqlər başladı

Xızıda çobanları ildırım vurdu: 1 ölü, 1 yaralı

"Günay Bank"la bağlı açıqlama yayıldı

Xaçmazda reyd: Bu sürücülər cərimələndi - Foto

Sabahın hava proqnozu açıqlandı

XİN-dən Yaponiyadakı zəlzələ ilə bağlı açıqlama

Sürücü sərnişinlərin həyatını təhlükəyə atdı - Video

Güclü yağış bu bölgələri iflic etdi - Video

Nazirlikdən fermerlərə xəbərdarlıq

Moskva-Bakı aviareysi hansı səbəbdən təxirə salındı?

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla