Binəqədi rayonu, Biləcəri dairəsi adlanan ərazidə nasaz vəziyyətdə yola çıxmış ağır tonnajlı yük maşını “Xaliq Faiqoğlu” şirkətinə məxsus 135 saylı xətt üzrə hərəkət edən avtobusu vuraraq qəza törədib.

Axar.az xəbər verir ki, hadisə bu gün səhər saatlarında baş verib. Yüklə dolu “Şaqman” markalı, 90 NM 518 dövlət qeydiyyat nişanlı yük maşını yüksək sürətlə “Daevo” markalı, 10 TG 031 nömrə nişanlı avtobusa çırpılıb. Hadisə nəticəsində avtobusun salonundakı sərnişinlər arasında ciddi xəsarət alan olmayıb.

Şirkətdən bildirilib ki, qəza nəticəsində “Xaliq Faiqoğlu” şirkətinə böyük miqdarda maddi ziyan dəyib. Şirkət bununla bağlı ölçü götürülməsi üçün hüquq-mühafizə orqanlarına müraciət edib.