"Azərbaycan Respublikasının vətəndaşı, 23 oktyabr 1981-ci ildə Bakı şəhərində anadan olmuş və hazırda Bakı şəhəri, Xətai rayonu, Vunq Tau küçəsi, ev 11, mənzil 9 ünvanında qeydiyyatda olan Nuriyev Səid Fikrət oğlunun hərəkətinin müvəqqəti məhdudlaşdırılması Baş Prokurorluğun Ağır cinayətlərə dair işlər üzrə istintaq idarəsində istintaq edilən cinayət işi ilə bağlıdır".

Bu məlumat, Respublika Baş Prokurorluğunun mətbuat xidmətindən Axar.az-a verilən məlumatda deyilir.

Bildirilir ki, onun indiki vəziyyətdə həm də xarici vətəndaş olması heç nəyi dəyişmir:

"S.Nuriyevin həmin cinayət işi üzrə şahid qismində dindirilməsi və həyata keçiriləcək bəzi istintaq hərəkətlərində iştirakı zərurəti yaranıb. O, Azərbaycan Respublikası vətəndaşlığından çıxması ilə bağlı müvafiq dövlət orqanına müraciət etməyib.

Qüvvədə olan qanunvericiliyə görə bu halda Azərbaycan Respublikası vətəndaşının xarici dövlətin vətəndaşlığına mənsubiyyəti S.Nuriyevə münasibətdə tanınmır".

Xatırladaq ki, Səid Nuri ABŞ-vətəndaşıdır və adı çəkilən xarici ölkənin hərbi qüvvələrində çalışır. O 2005-ci ilə qədər Yeni Fikir Hərəkatının fəallarından olub və həmin il ölkədən gedib.