Hazırda ölkə ərazisində elektrik enerjisinin təminatı tam bərpa olunub.

Bu barədə son məlumat “Azərenerji” ASC-dən Axar.az-a daxil olub.

Bildirilir ki, bu gün saat 15-30 radələrində Mingəçevir şəhərindən 151 km məsafədə yerləşən Ağsu rayonunun Bico kəndində və Yevlax rayonunun Xanabad kəndindən 20 km məsafədə eyni vaxtda Hava Elektrik Veriliş xətlərinin yerləşdiyi ərazilərdə genişmiqyaslı yanğın baş verib. Yanğın elektrik enerjisinin ötürülməsi sistemində qəzaya gətirib çıxarıb. Bunun nəticəsində enerji təchizatında yaranmış məhdudiyyət “Azərenerji” ASC-nin mütəxəssisləri tərəfindən çevik tədbirlərlə aradan qaldırılıb.

Hazırda ölkə ərazisində elektrik enerjisinin təminatı tam bərpa olunub. Hadisənin törətdiyi fəsadların aradan qaldırılması üçün müvafiq texniki işlər görülür.