Azərbaycan Respublikasının Prezidenti yanında Bilik Fondunun "İlboyu bilik" proqramı çərçivəsində tanınmış elm adamları ilk dərs günü ölkənin 75 məktəbində "Azərbaycan bu gün və sabah" mövzusunda mühazirələr deyəcəklər.

Fondun informasiya təminatı sektorundan Axar.az-a verilən məlumata görə, millət vəkili Fazil Mustafa "İlboyu bilik" proqramına dəstək xarakterli təklif verib. Millət vəkili ilk dərs gününün Bakının azadlığı günü ilə eyni vaxta düşdüyünü xatırladaraq, mühazirələrdə Nuru Paşanın rəhbərliyi altında Türk İslam Ordusunun Bakını azad etməsi tarixindən də danışmağı tövsiyyə edib.

Bilik Fondu Fazil Mustafanın təklifini müsbət dəyərləndirərək, bu mövzuda lektorları təlimatlandırıb və millət vəkilinə mütərəqqi düşüncəsini bölüşdüyünə görə Fond adından minnətdarlığını bildirib.