İsmayıllıda tikilən velosiped zavodu yanvarda hazır olacaq.

Axar.az xəbər verir ki, texniki problemlərə görə inşası dayanan zavodun gələn ilin ilk ayında təhvil veriləcəyi planlaşdırılır. Azərbaycanda ilk dəfə velosiped istehsal edəcək zavodun tikintisi hələlik dayanıb. Ancaq inşa işləri davam etdiriləcək.

Bir müddət əvvəl zavodun tikintisinin yubanmasından yazmışdıq və işin ləngiməsinə süni maneələr olduğunu qeyd etmişdik. Artıq problem həllini tapıb. Bu zavodun tikintisi üçün Bolqarıstan şirkəti ilə müqavilə bağlanıb, layihə üzrə işlər davam etdirilir.

Zavod bir il ərzində 30 min ədəd idman, uşaq və şəhər tipli velosiped istehsal etmək gücünə malik olacaq. 5 hektar ərazidə inşa olunan zavodda 95 nəfər işlə təmin olunacaq.

Xatırladaq ki, bu böyük layihə hazırda nəinki ölkə daxilində artan tələbatı ödəyəcək, həmçinin qonşu ölkələrə ixraca imkan verəcək gücdə olduğundan, ekspertlər tərəfindən yüksək qiymətləndirilir.