Axar.az FHN-nin rəsmi saytına istinadən bu gecə ölkəmizin bölgələrində baş verən hadisələrin xronikasını təqdim edir:

Ağdaş rayonu, Aşağı Nemətabad kəndində vətəndaşa məxsus ümumi sahəsi 160 kv.m olan tövlənin yanar konstruksiyaları və tövlənin çardağına yığılmış 23 ton ot bağlaması yanıb. Tövləyə bitişik olan talvar yanğından mühafizə olunub. Yanğın saat 23:24-də yanğınsöndürənlər tərəfindən söndürülüb.

***

Bakı şəhəri, Qaradağ rayonunda vətəndaşa məxsus "Forland" markalı yük avtomobilinin kabinəsi yanmışdır. Avtomobilin qalan hissəsi yanğından mühafizə olunmuşdur. Yanğın saat 23:54-də yanğınsöndürənlər tərəfindən söndürülüb.

***

Şəmkir rayonunda vətəndaşa məxsus ümumi sahəsi 96 kv.m olan birmərtəbəli 2 otaq və aynabənddən ibarət evin yanar kostruksiyaları yanıb. Yaxınlıqdakı tikililər yanğından mühafizə olunub.Yanğın saat 00:35-də yanğınsöndürənlər tərəfindən söndürülüb.

***

Bakı şəhəri, Suraxanı rayonunda vətəndaşa məxsus "Nissan" markalı minik avtomobilinin mühərrik hissəsi yanıb. Avtomobilin qalan hissəsi yanğından mühafizə olunub. Yanğın saat 03:25-də yanğınsöndürənlər tərəfindən söndürülüb.