"Əsrin Müqaviləsi"nin 20 illiyinə həsr olunan "Neft daşları uşaqların gözü ilə" adlı rəsm müsabiqəsi keçirilib.

Axar.az xəbər verir ki, müsabiqə Qan Donorları Assosiasiyası İctimai Birliyi, Azərbaycan Qızıl Aypara Cəmiyyəti, Binəqədi Rayon Bölməsi , Gənclərin Həmrəyliyinə Dəstək İctimai Birliyi və Gənc Həvəskar İdmançılar tərəfindən Binəqədi rayonunda yerləşən 298 nömrəli Körpələr evi-uşaq baxçasında təşkil edilib.

Təşkil olunan tədbirdə iştirak edən uşaqlar təşkilatçılar tərəfindən I, II, III yerlərlə mükafatlandırılıb. Daha sonra tədbir bağça uşaqlarının hazırladıqları rəqslərlə davam etdirilib.