Birinci rəng - Ağ

"Bir abzas – yeddi rəng" layihəsində Aqil Abbasdır: "Dolu" romanı ilə.

Yazar Şərif Ağayar:

...Drakonun ölüm səhnəsini oxuyanda göz yaşlarımı saxlaya bilmədim. Həqiqətən də belə qəhrəmanlarımız çox idi. Belə igidlər ola-ola uduzduq amma! Mənə ən çox təsir edən əsərin bu mesajı idi. Mənimçün doğma və bəlkə də ədəbiyyatdan vacib məqamlardan bəhs etdiyinə görə "Dolu"ya çağdaş nəsr kriteriyaları ilə yanaşmağa ürəyim gəlmir. Bilirsiniz, bəzən elə həqiqətlərlə üzləşirsən ki, əlin üzündə qalır. "Dolu" həm də Qarabağın səngərindən, müharibənin özündən bəhs edən ilk romanımızdır – mən bilən...