Bakıda tibb klinikalarının birində intihar hadisəsi baş verib.

Bakı şəhəri Nizami rayon prokurorluğundan Trend-ə verilən məlumata görə, Qara Qarayev prospekti, 69 saylı binada yerləşən "Xəzər" klinikasında təsərrüfat işləri üzrə müdir, 1951-ci il təvəllüdlü Heydəri Həbiulla İsayeviç intihar edib. O, sentyabrın 24-də günorta 12:00 radələrində klinikadakı iş otağında özünü sintetik materialdan hazırlanmış qırmızı naxışları olan ağ rəngli iplə asıb.

Hələlik intiharın səbəbi məlum deyil.

Faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi açılıb, araşdırma aparılır.