Dövlət Urmiya gölünün canlandırılması üçün ayrılan vəsaitin necə xərclənməsinə nəzarət edən bir qurum yaratmalıdır.

Axar.az xəbər verir ki, bu sözləri Güney Azərbaycanın Urmiya şəhərinin İran parlamentindəki millət vəkili Ruhulla Həzrətpur Urmu gölünün canlandırılmasına ayrılan büdcə vəsaiti haqqında danışarkən deyib. O, vəsaitin böhranı aradan qaldırmaq istiqamətində xərclənmədiyini qeyd edib:

“Açıqca elan edirəm ki, Urmiya Gölünü Canlandırma Mərkəzinə verilən vəsait konfrans salonu, stol, stul, texnika və digər ləvazimat almağa xərclənib. Bu işlərin Urmiya gölünə heç bir faydası olmayıb. Artıq gölün qurtarılması ilə bağlı elmi araşdırmalar zamanı keçib. Təcili olaraq göldə vəziyyəti sabitləşdirib, sonra isə onu bərpa etməyə çalışmalıyıq. 2018-ci ildə Zab çayından gölə su intiqal etməklə göldəki vəziyyəti sabitləşdirmək mümkündür. Bundan sonra gölün canlandırılması üçün əsaslı addımlar atmaq lazımdır”.