Bu gün axşam saatlarında Qəbələ rayonunda 3-cü zəlzələ baş verib.

Respublika Seysmoloji Xidmət Mərkəzindən Axar.az-a verilən məlimata görə, zəlzələ saat 20:35:44-də, Qəbələdən 18 km şimal-şərqdə qeydə alınıb. Zəlzələ episentrdə 4 bal, yaxın yaşayış məntəqələrində 3 baldan artıq hiss olunub. Tikililərdə dağıntı yoxdur.

Xatırladaq ki, bu gün Azərbaycanda ümumilikdə beş zəlzələ baş verib: saat 07:30:44-də Xəzər dənizində 3 bal gücündə zəlzələ qeydə alınıb. Qəbələ şəhərindən 22 km şimal-şərqdə isə səhər saatlarında iki – saat 08:55:52 və 09:19:08-da iki ardıcıl zəlzələ baş verib: birinci zəlzələ 3.1, ikinci isə 3.3 bal gücündə olub.

Daha bir zəlzələ isə Lerikdən 22 km şimal-şərqdə baş verib - 3 bal gücündə.

Zəlzələlər heç bir dağıntı törətməyib.