Azərbaycan efiri gecə saatlarında tamaşaçıya nə təqdim edir?

Axar.az qısa bir efir gəzişməsi edərək telekanallarımızda yayımlanan proqramları, filmləri gözdən keçirib.
Bu dəqiqlərdə Speys (Space) məşhur, 1980-ci illərin Türkiyə siyasi həyatını bir ailənin dramında əks etdirən "Atam və oğlum" filmini nümayiş etdirir. İctimai Televiziyada yarıyumoristik, yarı romantik "Sentyabrda görüşərik" filmi , "Xəzər" telekanalında dustaqların həyatından bəhs edən "Rezonans" proqramı, ATV-də "Volter Mittinin gizli həyatı", ANS-də isə "Kapitan Amerika" filmləri göstərilir.

AzTV-də isə Milli Məclisin ilk iclasından geniş reportaj təqdim olunur. Reportajda daha çox parlament üzvlərinin Avropa Parlamentinin qəbul etdiyi qətnaməyə etirazına xüsusi yer verilib.