Qazaxıstanın Aral gölü böyük fəlakət qarşısındadır.

Axar.az xəbər verir ki, 1972-ci ildən başlayan quruma prosesi dənizi yer üzündən silə bilər.

Bu gölü qidalandıran Amudərya və Sırdərya çaylarından pambıqçılığın inkişafı üçün istifadə edilməsi gölün tamamilə quruması ilə nəticələnə bilər.

Dünyanın ən pis ekoloji fəlakəti sayılan bu proses dəfələrlə BMT səviyyəsində müzakirə olunsa da problem öz həllini tapmayıb.

Alimlər dənizin qurumasının orada yaşayan insanların sağlamlığına da ciddi ziyan vurduğunu bildirib. Belə ki, quruyan dənizin yerində duz dağlarının meydana gəlməsi bir çox xəstəliklərə yol açır. Külək vasitəsi ilə yayılan duzun insan dərisində xroniki və digər xəstəliklərə yol açdığını deyəm elm adamları bu ekoloji problemin həll olunmayacağı təqdirdə böyük fəlakətin gözlənildiyi xəbərdarlığını edib.

Xatırladaq ki, eyni aqibəti Güney Azərbaycandakı Urmiyə gölü də yaşayır.