Astronomik hesablar və İslam təşkilatlarında yaranan fikir ayrılığı səbəbindən hər il olduğu kimi, bu il də Qurban bayramı dünyanın fərqli ölkələrində 3 fərqli tarixdə keçiriləcək.

Axar.az xəbər verir ki, Türkiyə və Səudiyyə Ərəbistanının da daxil olduğu bir çox ölkədə Qurban bayramının başlanğıc tarixi 4 oktyabr qəbul edilib.

İraq və Livanın şiə əhalisi, İran, Mavritaniya, Mərakeş, Malayziya kimi ölkələr 5 oktyabrda, Pakistan və Hindistan isə bayramı 6 oktyabrda keçirməyi planlaşdırır.

Ölkəmizdə isə Nazirlər Kabinetinin qərarına əsasən Qurban bayramı 4-5 oktyabr tarixlərində keçiriləcək.