Mərhum xalq artisti İlhamə Quliyevanın oğlu Orxan Nadirovun həbs edilməsi ilə bağlı hələlik heç bir dəqiq informasiya yoxdur.

Bu sözləri Axar.az-a Daxili İşlər Nazirliyinin Mətbuat xidmətinin rəis müavini, polis polkovniki Orxan Mansurzadə deyib.

“Məsələ ilə bağlı dəqiq informasiya toplandıqdan sonra mətbuata mlumat veriləcək. Hazırda heç bir rəsmi məlumat yoxdur”, – O.Mansurzadə bildirib.

Qeyd edək ki, Oxu.az saytı O.Nadirovun dünən Binəqədi rayon Polis İdarəsinin əməkdaşları tərəfindən tutulduğuna dair məlumat yayıb. Bildirilib ki, o, artıq Bakı İstintaq Təcridxanasına köçürülüb.

İttihama görə, Orxan Nadirov işə düzəltmə adı ilə zərərçəkmiş şəxsin 69 min manat məbləğində pulunu dələduzluq yolu ilə ələ keçirib.

Qeyd edək ki, Orxan Nadirovun adı daha əvvəl də dələduzluq əməlində hallanıb. O.Nadirov ötən il də dələduzluq faktına görə həbs edilib, lakin sonradan azadlığa buraxılıb.