Bu gün Bakının iki rayonunda suyun verilməsində məhdudiyyətlər yaranacaq.

"Azərsu" ASC-dən Axar.az-a verilən məlumata görə, Maştağa-Ramana-Sabunçu magistral su kəmərinin yenidən qurulması layihəsi çərçivəsində yeni çəkilmiş 1 000 mm diametrli magistral su xəttinin şəbəkəyə qoşulması ilə əlaqədar oktyabrın 14-də saat 09:00-dan etibarən Sabunçu və Suraxanı rayonlarının bəzi yerlərinə - Ramana Südçülük Sovxozuna, məcburi köçkün şəhərciyinə, Yeni Suraxanı və Savalan yaşayış massivlərinə, eləcə də Samir Əliyev küçəsinin bir hissəsinə içməli suyun verilməsi 36 saat müddətində məhdudlaşdırılacaqdır.

Yaranacaq narahatlıqla əlaqədar "Azərsu" ASC abonentlərdən üzr istəyir.