İsrailin Lod şəhərində yaşayan bir azərbaycanlı Azərbaycan vətəndaşlığı ala bilmədiyini bildirib.

Axar.az xəbər verir ki, Feysbuk sosial şəbəkəsində Mahmud Arazbarlı adlı istifadəçi Azərbaycan vətəndaşı olmaq istədiyini, lakin buna nail ola bilmədiyini açıqlayıb.

Sosial şəbəkədə "Oda" teatrının səhifəsində bu barədə məlumat verən bu şəxs Azərbaycan vətəndaşı olmağın çətinliyindən söz açıb: "Çox istərdim sizin tədbirlərinizdə iştirak edim. Amma nə yazıq ki, güneydəyəm, gəlib Azərbaycanda qala bilsəydim kaş ki…

Azərbaycan vətəndaşlıq vəsiqəsi almaq, Bakı sakini olmaq çox ağır problemə çevrilib. Amma bilmirəm uzaq rayonlarda həmin məsələyə münasibət necədir? Heç bilmirəm kimə və hara müraciət edə bilərəm?"