Bu gün Rəşid Behbudov küçəsinin Bakıxanov küçəsi ilə kəsişməsində avtomobillərin hərəkətində məhdudiyyət olacaq.

Axar.az xəbər verir ki, bu barədə Nəqliyyatı İntellektual İdarəetmə Mərkəzinin rəsmi Feysbuk səhifəsində məlumat paylaşılıb. Məlumata görə, mərkəz tərəfindən edilmiş təklifə əsasən, Rəşid Behbudov küçəsinin Bakıxanov küçəsi ilə kəsişməsində işıqfora daimi sağadönmə seksiyasının əlavə edilməsi məqsədilə bu gün saat 11:00-dan etibarən "Azəryolservis" ASC tərəfindən hərəkətin təşkili ilə əlaqədar yol cizgi xətləri yenidən rənglənəcək.

Rənglənmə işləri zamanı yolda nəqliyyat vasitələrinin hərəkətinin məhdudlaşdırılması ilə əlaqədar yarana biləcək sıxlığı nəzərə alaraq sürücülərə alternativ olaraq Səməd Vurğun küçəsindən istifadə etmələri tövsiyə olunur.