Ana səhifə Toplum |
Bakıda London taksiləri cərimə meydançasına aparılır.
Bu barədə Feysbuk səhifəsində jurnalist Aynur İmranova məlumat yayıb. Jurnalist taksi sürücüsünə istinadla bildirib ki, bu maşınlar gömrükdə avtomobil qeydiyyatından keçməyiblər.
Taksilər cərimə meydançasına aparılır və qeydiyyatdan keçirilir. A.İmranova onu da yazıb ki, şəhərdə London taksilərinin sayı sürətlə azalır. Əslində, Axar.az-ın az əvvəl bu mövzuda verdiyi xəbər təsdiqlənmək üzrədir. Belə ki, az öncə taksi xidmətində çalışan sürücülərin gündəlik planı ödəyə bilməməsi, maaşlarının azlığından şikayətlənmələrini qeyd etmişdik.
Həmçinin, avtobuslarda "Bakı Taksi" MMC tərəfindən elanlar vurulduğunu bildirmişdik. Bu elanlarda sürücülərə tələbat olduğu bildirilirdi. Ancaq şirkət iddiaları təkzib edərək Azərbaycana daha çox London taksisi gətiriləcəyini açıqlamışdı.
Tarix
2014.10.15 / 20:37
|
Müəllif
Emin Aslanlı
|