Bakı Slavyan Universitetində respublikada ilk dəfə olaraq rektorun müşaviri vəzifəsinə tələbə təyin olunub.

Universitetin rektoru, professor Asif Hacıyevin əmri ilə Jurnalistika və Azərbaycan filologiyası fakültəsinin 2-ci kurs tələbəsi Elcan Məmmədov rektorun sosial məsələlər və tələbələrlə iş üzrə müşaviri təyin olunub.

AzərTAc-a müsahibəsində Elcan Məmmədov bildirib ki, bu vəzifənin yaradılmasında məqsəd tələbələrin sosial problemlərinin həllinə dəstək olmaq, rəhbərliklə tələbələr arasında operativ əlaqə yaratmaqdır. Bu vəzifəyə məhz onun seçilməsindən danışan gənc müşavir qeyd edib ki, o, universitetə qəbul olunduğu vaxtdan indiyə kimi bu ali təhsil ocağının ictimai həyatında, beynəlxalq tədbirlərin təşkilində fəal iştirak edib. Onun universitetdə ilk qeyri-rəsmi vəzifəsi isə 1-ci kursda oxuduğu vaxt kölgə kabinetinin mətbuat katibi olub.

BSU-nun rektorunun digər əmri ilə Ali Eren Bugay informasiya və kommunikasiya texnologiyaları və reklam üzrə 2-ci rektor müşaviri təyin edilib.