Ana səhifə Toplum |
Bu il ərzində ölkə ərazisində 7 minə yaxın zəlzələ olub. Zəlzələlər Azərbaycanın müxtəlif ərazilərində quraşdırılan 35 seysmotelemetrik stansiyalar vasitəsi ilə qeydə alınıb.
Respublika Seysmoloji Xidmət Mərkəzinin baş direktoru Qurban Yetirmişlinin sözlərinə görə, qeydə alınan 7 minə yaxın zəlzələdən 4 minə yaxını Azərbaycan və ona bitişik ərazilər, 3 minə yaxını isə uzaq zəlzələlərdir. Ötən il ən güclü zəlzələlər şimal-qərb və cənub bölgələrində baş verib.
Şamaxı-İsmayıllı, Quba-Qusar, Şəki-Zaqatala-Balakən Gəncəbasar zonaları, eləcə də Naxçıvan Muxtar Respublikası seysmik aktiv zonalardır. Qurban Yetirmişli deyir ki, ən zəif zəlzələlər əsasən Kür çökəkliyi ətrafında baş verib.
Qurum rəsmisi həmçinin onu da bildirib ki, ötən illə müqayisədə bu il ölkə ərazisində baş verən zəlzələlrin sayı azalıb. Araşdırma zamanı o da məlum olub ki, süni zəlzələlər daha çox qızıl yataqları olan ərazilərdə, Daşkəsən və Naxçıvan Muxtar Respublikasının İranla sərhəd olan hissəsində baş verir.
Tarix
2018.12.04 / 23:35
|
Müəllif
Axar.az
|