Bu gün səhər saat 09 radələrində Qusar şəhrində KamAZ markalı yük maşını süpürgəçi qadını vuraraq öldürüb.

Ans press-in verdiyi məlumata görə, hadisə Əzizbəyov küçəsilə Əbilov küçəsinin kəsişməsində baş verib.

Belə ki, 1990-cı il təvəllüdlü Ruslan Aslan oğlu Xasıyev idarə etdiyi yük maşını ilə yolu keçmək istəyən 1960-cı il təvəllüdlü Rübabə Bəkir qızı Pirmətovanı vurub. Qadın yük maşınının təkəri altında canını tapşırıb.

Qeyd edək ki, qadın süpürgəçi işləyirdi.

Qusar rayon polis şöbəsinin müstəntiqi Ellgiz Məmmədovun verdiyi məlumata görə, hadisə araşdırmalardan sonra məlum olacaq.

Faktla bağlı cinayət işi başlanıb, araşdırma aparılır.