Şabran polisi ötən gecə daha bir əməliyyat keçirib.

Axar.az xəbər verir ki, narkotiklərlə mübarizə çərçivəsində həyata keçirilən əməliyyatda bir nəfər həbs olunub. Məlumatda deyilir ki, narkotik alverçisi olan Şabran sakininin üzərindən bir kiloqram narkotik maddə aşkarlanıb.

Şabran polisi onunla əlbir olan şəxslərin də izinə düşüb. Hazırda əməliyyat-axtarış tədbirləri davam etdirilir. Polisin saxlanan şəxslə əlbir olan daha bir neçə narkotaciri həbs edəcəyi xəbər verilir.

Qeyd edək ki, bundan əvvəl də Şabran polisi bir neçə belə əməliyyat həyata keçirib.

Xatırladaq ki, rayonun polis rəisi Əli Mərdanov sabiq nazir Misir Mərdanovun qardaşıdır.