Ciloluq qətliamını inkar edən Qərbi Azərbaycanın kürd kökənli valisi Məhəmməd Mehdi Şəhriyari İnstaqram hesabını bağlayıb.

Axar.az xəbər verir ki, Şəhriyarinin Cilovluq hadisələri ilə bağlı verdiyi açıqlamasına göstərilən sərt reaksiya kürd valinin hesabını bağlaması ilə nəticələnib. Bu, azərbaycanlıların bir neçə gün şikayət və etirazlarından sonra baş verib.

Qeyd edək ki, Məhəmməd Mehdi Şəhriyari dekabrın 6-da Ciloluq qətliamını inkar edərək, onu dəyərsiz hadisə adlandırıb. Mövzu ilə bağlı Tehran Universitetində tələbələrin qarşısında çıxış edən vali bu məsələnin gündəmə gətirilməsinin Qərbi Azərbaycanın inkişafına mane olduğunu, bu qətliamın əhəmiyyətsiz məsələ olduğunu vurğulayıb.