"Goranboy rayonuna gedən yol qapadılıb".

Bu barədə Axar.az-a Goranboy rayon sakinləri məlumat veriblər.

Məlumatda Bakı-Gəncə yolu üzərində yerləşən yolun Prezident İlham Əliyevin səfərindən sonra qapadıldığı bildirilib. Rayon sakinləri artıq rayona birbaşa girişin olmadığını, bunun üçün Borsunlu kəndinin ərazisindən istifadə edildiyini deyiblər.

Goranboy Rayon İH başçısının müavini Baxış Abdullayev də Goranboy rayonuna gedən yolun qapadılması ilə bağlı məlumatı təsdiqləyib. O, yolun qapadılmasının başlıca səbəbi kimi İpək yolu layihəsi çərçivəsində görüləcək işləri göstərib:

"Hazırda Goranboy rayonuna gedən yol "Azəryolservis"in İpək yolu layihəsi çərçivəsində görəcəyi inşaat işləri ilə əlaqədar müəyyən müddətlik bağlanılıb. Burada alternativ yollardan istifadə edilir. Bunun biri Goran, digəri isə Borsunlu ərazisində yerləşən körpüdür ki, bunlar da rayon mərkəzinə getməyə imkan verir".