Şərifzadə küçəsi ilə Xarici Dairəvi yolu birləşdirəcək ümumşəhər əhəmiyyətli yolun tikintisi yekunlaşmaq üzrədir.

Axar.az xəbər verir ki, bu barədə Azərbaycan Avtomobil Yolları Dövlət Agentliyinin mətbuat katibi Anar Nəcəfli deyib. O bildirib ki, yolda bütün işlər yaxın müddətdə yekunlaşacaq və 75 yaşayış evinin sökülməsi hesabına genişləndirilən yol növbəti ildən istifadəyə veriləcək.

Xatırladaq ki, Şərifzadə küçəsi ilə Xarici Dairəvi yolu birləşdirəcək bu yolun uzunluğu 1310 metr, eni isə 4 zolaqdan ibarət olacaq.

Yolda 180 metr uzunluğunda tunel, ərazidə yerləşən evlərin sakinlərinin Şərifzadə və Xarici Dairəvi yola rahat çıxışını təmin etmək üçün isə uzunluğu 300 metr olan əlavə yol salınıb.

Yolda aparılan təmirlə əlaqədar Bakının köhnə ticarət məkanlarından olan Yasamal bazarı sökülüb.