Bu il sərnişinlərə qarşı kobudluğa, eləcə də digər qanun pozuntularına yol verən təxminən 700-dək sürücü İnzibati Xətalar Məcəlləsinə uyğun olaraq cərimələnib. Yol-nəqliyyat hadisəsi törətdiyinə görə isə 20-dək sürücü cəzalandırılıb.

Dövlət Avtomobil Nəqliyyatı Xidmətinin Bakı Sərnişin və Yükdaşımalarının Təşkili İdarəsinin səlahiyyətli nümayəndəsi Əmrah Cəfərov AzərTAc-a bildirib ki, bu cür halların qarşısının alınması, o cümlədən ictimai nəqliyyatda fəaliyyət göstərən sürücülərin peşəkarlığının artırılması istiqamətində müəyyən tədbirlər görülür.

Belə ki, Dövlət Avtomobil Nəqliyyatı Xidmətinin Tədris-Kurs Kombinatında təcrübəli müəllim və təlim ustalarının iştirakı ilə tədris və məşğələlər keçirilir. Bu da öz müsbət nəticəsini verməkdədir.