Qafqaz Müsəlmanları İdarəsinin sədri Şeyxülislam Allahşükür Paşazadə Rusiya Federasiyasının Kabarda-Balkar Respublikasına səfərə yola düşür.

Bu barədə məlumat Axar.az Qafqaz Müsəlmanları İdarəsindən verilib. Şeyxülislamın səfəri sabahdan başlayacaq.

Səfərdən məqsəd Nalçik şəhərində keçiriləcək "Ənənəvi dinlər: mötədilliyə və mehriban qonşuluğa çağırış" mövzusunda Beynəlxalq elmi konfransda iştirak etməkdir.

QMİ sədri konfransda məruzə ilə çıxış edəcək.

Konfrans Kabarda-Balkar Respublikasının Ruhani İdarəsinin Qafqaz Müsəlmanları İdarəsinin himayəsi ilə keçirilir. Konfransın işində dünya miqyasında tanınmış müsəlman din xadimləri, islam təhsil müəssisələrinin rektorları, nüfuzli ictimai xadimlər iştirak edəcəklər.