Ana səhifə Toplum |
Ağsu aşırımında Dövlət Yol Polis postu ləğv edilib.
Bu barədə Axar.az-ı məlumatlandıran sürücülərin sözlərinə görə, Ağsu aşırımı kimi mühüm bir ərazidə yol polis postunun ləğvi bir sıra çətinliklərin yaranmasına səbəb ola bilər. Xüsusilə qış aylarında təhlükəli vəziyyətdə olan aşırımda avtomobillərin hərəkətini polis əməkdaşları bu post vasitəsilə nizamlayırdı: qarlı-şaxtalı havalarda postdan maşınların buraxılmaması ciddi qəzaların və itkilərin qarşısını alan fakt sayılır. Həmçinin dolaylarda tez-tez baş verən uçqunlar, o cümlədən yolun darlığı səbəbindən sürücülərin sürət həddini azacıq keçməsi də ciddi fəsadlara gətirib çıxara bilər. Ona görə də bu post həm də sürücülərin cərimələnmədən ehtiyat edərək qaydalara uyğun sürməsini şərtləndirən amil kimi həmişə önəmli sayılıb.
Hazırda bu önəmli postun tamamilə söküldüyü bildirilir, yaxınlıqda isə heç bir post nəzərdə tutulmayıb.
Tarix
2014.10.30 / 08:00
|
Müəllif
Emin Aslanlı
|