Şərqi Azərbaycan Apellyasiya Məhkəməsi azərbaycanlı fəal Şahin Bərzgər barəsində çıxarılan 3 aylıq həbs hökmünü qüvvədə saxlayıb.

Axar.az xəbər verir ki, Şərqi Azərbaycan Apellyasiya Məhkəməsinin 1-ci Şöbəsinin rəisi Əli Fərəci Bərhəqq hökmlə bağlı fəalın etirazını rədd edib.

Qeyd edək ki, Şahin Bərzgər mərhum musiqiçi Həsən Dəmirçinin dəfn mərasimində iştirak etdiyinə və həbsdə olan azərbaycanlı milli-mədəni fəalları dəstəklədiyinə görə Təbriz zindanına çağırılaraq dindirilib.

Özü də hərbçi olan fəal sistemin əleyhinə təbliğat aparmaq və silahlı qüvvələrə qarşı bədbinlik yaratmaq ittihamı ilə hərbi məhkəmədə mühakimə olunub.