Nobel prospektində yaranan çökmə dünəndən bərpa edilib.

Bu sözləri Axar.az-a açıqlamasında Azərbaycan Avtomobil Yolları Dövlət Agentliyinin mətbuat katibi Anar Nəcəfli deyib. O bildirib ki, hadisə srağagün baş verib:

“Hazırda yolda hər hansı bir çökmə yoxdur. Çökmənin səbəbi dəqiq bilinmir, ehtimal olunur ki, haradansa su sızıb və yol yatağını yuyub. Nəticədə həmin yolda belə bir çökmə hadisəsi qeydə alınıb. Hazırda mütəxəssislər suyun haradan sızmasını araşdırır”.

Qeyd edək ki, ötən gün sosial şəbəkə istifadəçiləri Nobel prospektində çökən yolun fotolarını paylaşaraq, sürücüləri sözügedən ərazidə diqqətli olmağa səsləmişdilər.