Ekologiya və Təbii Sərvətlər Nazirliyinin Milli Hidrometeorologiya Departamenti Dünya Azərbaycanlılarının Həmrəylik Günü və Yeni il bayramı ərəfəsində gözlənilən hava şəraiti ilə əlaqədar ilkin proqnozu açıqlayıb.

Nazirlikdən Axar.az-a verilən məlumata görə, dekabrın 31-də paytaxtda hava şəraiti dəyişkən buludlu olacaq, əsasən yağmursuz keçəcək, mülayim şimal küləyi əsəcək. Havanın temperaturu gündüz 6-8, dekabrın 31-dən yanvarın 1-nə keçən gecə 3 dərəcəyə yaxın olacaq.

Yanvarın 1-də gün ərzində mülayim, əsasən yağmursuz hava şəraitinin davam edəcəyi gözlənilir.

Departamentdən verilən məlumata görə, hər gün dəqiqləşdirilmiş məlumat ictimaiyyətə təqdim ediləcək.