Oğuz rayonunda qəribə adı olan bərbər salonu fəaliyyət göstərir.

Axar.az-ın əməkdaşı xəbər verir ki, rayon avtovağzalının yaxınlığında "Ata-oğul" adlı kişi salonu işləyir. Bu bərbər salonu başqalarından onunla fərqlənir ki, "milli" ad seçimi ediblər. Ölkədə əsasən kişi və qadın salonlarına xarici adlar, brendlər, terminlər qoyulur.

Oğuzda bərbər salonu isə ata və oğulun birlikdə işləməsinə görə belə adlanıb. Qeyd edək ki, Azərbaycanda "Kulis", "Aristokrat", "Kral" və s. adlar qoyulan kişi salonları var.

Hətta bir müddət əvvəl deputat Fəzail Ağamalının çağırışı olmuşdu. Deputat təklif edirdi ki, restoran, mağaza və başqa iaşə obyektlərinə milli adlar qoyulsun.