Ana səhifə Toplum |
Paytaxtın 81 saylı marşrut xəttində özbaşınalıq əndazəni aşıb.
Bu barədə Axar.az-a Qaraçuxur qəsəbəsində yaşayan bir qrup sakin şikayətində yazıb. Sakinlərin dediyinə görə, Qaraçuxura iki marşrut xətti var - 66 və 81 saylı avtobuslar: "66 saylı avtobusun yolu dolanbac olduğuna görə, əsasən, 81 nömrəli marşrutdan istifadə edirik.
Bu marşrutun sürücüləri isə sərnişinlərlə tərəvəz kimi rəftar edirlər. Sürət həddini aşır, basabas yaradır, harda gəldi sərnişin götürür, ayaq basmağa yer qoymurlar, sıxlıqdan nəfəs almaq olmur. Sərnişinlər avtobusun qapısından sallanırlar".
Qəsəbə sakinləri Nəqliyyat naziri Ziya Məmmədova müraciət edərək Qaraçuxur istiqamətinə daha bir marşrut xətti açılmasını, 81 saylı xətdə çalışan sürücülərlə bağlı tədbir görülməsini xahiş edirlər. Sakinlər deyirlər ki, sürücülərin özbaşınalığı qəza riski yaradır:
"Hər gün eyni zülmü çəkirik. Avtobusa nə minmək, nə düşmək olur. Sürücülər avtobusa yer olmayanda da sərnişin götürürlər".
Tarix
2014.11.03 / 21:49
|
Müəllif
Emin Aslanlı
|