Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
18 İyun 2019


Dilqəmin oğlu: Atamı bizdən gizlədirlər

Ana səhifə Toplum
12 Punto 14 Punto 16 Punto 18 Punto

Erməni girovluğunda olan Dilqəm Əsgərovun oğlu Kürdoğlu Əsgərov bir ildən çoxdur ki, atasından heç bir xəbər, məktub almadığını deyir.

O, Sputnik Azərbaycan-a açıqlamasında bildirib ki, Beynəlxalq Qırmızı Xaç Komitəsinin əməkdaşları onun müraciətlərinə hər dəfə eyni cavabı verir.

“2017-ci ilin noyabrın 1-də yazılan sonuncu məktubu Beynəlxalq Qırmızı Xaç Komitəsinin əməkdaşları bizə təqdim ediblər. Əfsuslar olsun ki, həmin tarixdən etibarən atamdan heç bir məktub almamışıq. Bizim onunla canlı video-bağlantı etmək istəyimiz də müsbət cavablandırılmır. Mütəmadi olaraq məsələ ilə bağlı Beynəlxalq Qırmızı Xaç Komitəsinin əməkdaşlarına müraciət edirəm. Müraciətlərimə cavab olaraq bildirirlər ki, “sənin atan özü məktub yazmaq, video göndərmək istəmir”, - K.Əsgərov bildirib.

“Mən buna inanmıram. Düşünürəm ki, bu, cəfəngiyyatdır. Atam yaşlı və xəstə adamdır. Yəqin, atamın səhhətində problemlər var ki, Beynəlxalq Qırmızı Xaç Komitəsinin əməkdaşları ondan video gətirməyiblər. Görünür, atamın vəziyyəti o qədər pisdir ki, o, məktub belə yaza bilmir. Ona görə də ondan məktub yoxdur”, – deyə o əlavə edib.

Dilqəm Əsgərovun oğlu beynəlxalq təşkilatların bu məsələyə diqqətsizliyindən də gileylənib.

K.Əsgərov atasının məktub yazmamasına inanmadığını israrla vurğulayıb:

“Atam girov düşdükdən sonra həmişə bizə məktub yazıb. Hazırda Azərbaycanda saxlanılan erməni diversant Arsen Baqdasaryan ailəsi ilə “Skype” vasitəsilə danışmaq imkanına malikdir və o, bundan mütəmadi olaraq istifadə edə bilir. Onun saxlanılma şəraiti yaxşıdır, səhhətində heç bir problem yoxdur, ailələri ona ərzaq, paltar göndərə bilir. Lakin bizə həmin şərait yaradılmır. Mən atamın öz dilindən eşitmək istəyirəm ki, o, yaxşıdır, durur, hərəkət edir. Nəyə görə Beynəlxalq Qırımızı Xaç Komitəsinin əməkdaşları bunu yerinə yetirmir?”

O, atasından aldıqları sonuncu məktub barədə də məlumat verib:

“Atam sonuncu məktubunda ona, icazə olacağı təqdirdə, bəzi ərzaqların göndərilməsini istəmişdi”.

O vurğulayıb ki, onun 2018-ci ildə atasının girovluqdan azad ediləcəyi ilə bağlı çox böyük ümidləri var idi:

“Mən inanırdım ki, atamgil girovluqdan azad oluna bilər. Əfsuslar olsun ki, Paşinyan hökuməti Azərbaycan Respublikasının təklif etdiyi “hamının-hamıya” dəyişdirilməsi təklifindən imtina etdi. Bu məsələ hazırda prezident İlham Əliyevin nəzarətindədir. Xarici İşlər Nazirliyi və Əsir və itkin düşmüş, girov götürülmüş vətəndaşlarla əlaqədar Dövlət Komitəsi bu istiqamətdə iş aparır. Lakin çox təəssüflər olsun ki, beynəlxalq qurumlar, təşkilatlar bu işlə bağlı Ermənistan tərəfinə təzyiqlər göstərmir. Ümid edirəm ki, bu məsələ 2019-cu ildə öz həllini tapacaq”.

Tarix
2019.01.10 / 20:53
Müəllif
Axar.az
Şərhlər
loading...
Digər xəbərlər

DİN əməkdaşlarının da maaşı artırıldı

İlham Əliyev 15 sərəncam imzaladı

Əbülfəs Qarayev Pakerlə görüşdü - Foto

Müəllimlərə şad xəbər: Maaş artırıldı

Minimum aylıq əməkhaqqı artırıldı

Elçibəyin xanımının yas mərasimi təşkil olunacaq

Dövlət Xidmətinə yeni rəis təyin edildi - Fərman

Azərbaycanla Yaponiya arasında mühüm müzakirə

Ramiz Mehdiyevlə Patruşev arasında mühüm görüş

Azərbaycanda qadın müəllimlərin sayı açıqlandı

KULT
<>
Xəbər xətti
 
e-vetendash
  
  
  
Axar.az'da reklam Bağla
Reklam
Bize yazin Bağla