ABŞ Prezidenti Donald Tramp Türkiyəni Suriyada kürdlərə hücumla bağlı təhdid edib.

Axar.az xəbər verir ki, Tramp öz təhdidini Tvitter hesabında yerləşdirib.

“Suriyadan qoşunların çıxarılmasına başlayırıq, eyni zamanda, İŞİD-dən fərqli nöqtələrdə qalan tör-töküntülərə güclü zərbələr endiririk. Əgər İŞİD yenidən formalaşsa, yaxınlıqdakı bazalar vasitəsilə yenidən hücuma keçəcəyik. Əgər onlar kürdlərə zərbə endirsələr, Türkiyəni iqtisadi baxımdan tükəndirəcəyik”, – deyə o bildirib.

O, kürdlərin Türkiyəni provokasiyaya cəlb etməməli olduğunu da deyib.

Tramp ABŞ-ın sonsuz müharibələri bitirmək vaxtının çatdığını söyləyib.