Ana səhifə Toplum |
Bakı Dairəvi-1 avtomobil yolu ilə Şərifzadə küçəsini birləşdirən avtomobil yolunda aparılan qazıntı işləri yoldan keçən kommunikasıya xətlərinin baxış qapaqlarının layihə hündürlüyünə qaldırılması üçün aparılırdı. Aparılan qazıntı işləri hər hansısa problemlə əlaqədar deyil.
Axar.az xəbər verir ki, bu məlumatı Azərbaycan Avtomobil Yolları Dövlət Agentliyinin mətbuat katibi Anar Nəcəfli sözügedən yolda təmirdən sonra problem yaranması və bu səbəbdən qazıntı işlərinin aparılması ilə bağlı bəzi saytlarda gedən xəbərlərə münasibət bildirərkən deyib.
A.Nəcəflinin sözlərinə görə, yolda asfaltlanma işləri yekunlaşandan sonra altda qalmış kommunikasiya xətlərinin baxış qapaqları layihə hündürlünə qaldırılır:
“Yəni qapaqlar asphalt-beton örtüklə eyni səviyyəyə çatdırılır ki, baxış qapaqlarının üstündə hərəkət etdikdə problem yaşanmasın. Bu səbəbdən bu və digər ərazilərdə kommunikasiya xətlərinin baxış qapaqlarının qaldırılması işləri həyata keçirilib”.
Tarix
2019.01.14 / 15:27
|
Müəllif
Nigar İxtiyarqızı
|