Ana səhifə Toplum |
Bakıda yollarda heç bir ciddi problem yaranmayıb və heç bir müraciət daxil olmayıb. Yollarda buzlaşma dağlıq ərazilərdə qeydə alınıb ki, həmin ərazilər də öncədən nəzarət altında idi.
Bu sözləri Axar.az-a Azərbaycan Avtomobil Yolları Dövlət Agentliyinin mətbuat katibi Anar Nəcəfli dünənki külək zamanı yol təsərrüfatına dəyən ziyan barədə danışarkən bildirib.
A.Nəcəfli qeyd edib ki, külək Azərbaycan Avtomobil Yolları Dövlət Agentliyinə elə də ciddi ziyan vurmayıb:
"Hər zaman külək əsəndə baş verən hallar yaşanıb. Bəzi küləkli yerlərdə yol nişanları aşıb. Ancaq tez bir zamanda bu problem aradan qaldırılıb.
Bakı-Ələt yolunda iki TIR-ın aşması qeydə alınıb. Həmin TIR-ların ümumiyyətlə bu cür havalarda yola çıxması təhlükəli hesab edilir, belə hava şəraitində o yük maşınlarının hərəkəti dayandırılmalıdır. Həmin maşınların aşması nəticəsində yol ayrıcında olan dəmir tirlər dağılıb. Hələlik nə qədər ziyan dəydiyi məlum deyil. Ziyan araşdırılır. Ancaq ümumilikdə demək istəyirəm ki, təki insan tələfatı olmasın, yol təsərrüfatına dəyən ziyanın aradan qaldırılması asandır".
Tarix
2019.01.18 / 11:40
|
Müəllif
Nigar İxtiyarqızı
|