Hava şəraiti ilə əlaqədar ölkə ərazisindəki reklam daşıyıcılarında yer alan 19 reklamın məzmunu yararsız hala düşüb.

Bu barədə məlumatı Axar.az-a açıqlamasında Reklam Agentliyinin (ADRA) İctimaiyyətlə əlaqələr şöbəsinin müdir müavini Hüseyn Azəri deyib. O bildirib ki, güclü küləyin fəsadları aradan qaldırılıb və bu istiqamətdə işlər hazırda da davam etdirilir.

Agentlik rəsmisi ötən gün “Binə” ticarət mərkəzində aşan reklam lövhəsi barədə də araşdırma başladığını bildirib:

“Ötən gün əsən güclü külək nəticəsində yalnız bir reklam qurğusunun aşması faktı qeydə alınıb. Məsələ ilə bağlı araşdırma başlayıb. Nəticələr barədə ictimaiyyətə məlumat veriləcək”.