Azərbaycanda "DiasporPress.az" adlı diaspor sahəsində ixtisaslaşmış yeni xəbər saytı fəaliyyətə başlayıb.

Axar.az xəbər verir ki, saytda xaricdə yaşayan azərbaycanlıların fəaliyyəti və onlarla əlaqələrin genişləndirilməsi, eləcə də onların təsis etdiyi diaspor təşkilatları, habelə Azərbaycanla dostluq münasibətində olan digər xalqların diasporları ilə əlaqələrin möhkəmləndirilməsi, bu sahə ilə bağlı olan bütün fəaliyyətlərin operativ və müntəzəm şəkildə işıqlandırılması təmin ediləcək.
Azərbaycan, rus və ingilis dillərində fəaliyyət göstərən saytda diaspor xəbərləri ilə yanaşı, ölkədə və dünyada baş verən ictimai-siyasi, sosial-iqtisadi, mədəni və geosiyasi mövzuları əhatə edən xəbərlər yayımlanacaq. Bununla yanaşı, müxtəlif sahələrdən bəhs edən müsahibələr, təhlillər, reportajlar, müəllif yazıları işıqlandırılacaq.
Qeyd edək ki, saytın təsisçi və baş redaktoru diaspor məsələləri üzrə ekspert Toğrul Allahverdilidir.