Ana səhifə Toplum |
Azərbaycanlı ictimai fəal, Antisemitizm və Ksenofobiyaya qarşı Gənclər Dərnəyinin qurucusu, “Forbes” jurnalının siyahısına düşən ən gənc lider Siyavuş Derəxti İsveç şahzadəsi ilə şam edəcək.
Bu haqda Axar.az-a gənc fəal özü məlumat verib.
Fəal bildirib ki, görüş zamanı onun fəaliyyəti ilə bağlı müzakirələr aparılacaq:
“Bu gün İsveç Krallığının sarayında şahzadə və kral ilə görüşəcəyəm. Yemək yeyib, mənim fəaliyyətimi müzakirə edəcəyik. Görüşün əsas mövzusu inteqrasiya, dözümlülük, antisemitizm və ksenofobiya olacaq.
Onlar mənim proqramım haqda daha çox məlumat əldə etmək istəyirlər. Birlikdə müzakirələr aparıb, daha işıqlı bir dünya yarada bilmək üçün nələr edə biləcəyimiz haqda danışacağıq”.
Xatırladaq ki, azərbaycanlı gənc fəal daha öncə ABŞ-ın keçmiş prezidenti Barak Obama və digər dünya liderləri ilə görüşüb.
Tarix
2019.01.22 / 17:44
|
Müəllif
Rəfiqə Əlisəfa
|