Azərbaycanın ilk aşağı büdcəli aviaşirkəti - “Buta Eirveys” Rusiyanın Ufa şəhərinə uçuşlara başlayacaq.

Bu barədə Axar.az-a şirkətdən bildirilib.

Məlumata görə, aviareyslər mayın 12-dən, həftədə iki dəfə - cümə axşamı və bazar günləri yerinə yetiriləcək.

Başqırdıstanın paytaxtı aviaşirkətin Rusiyadakı 6-cı istiqaməti olacaq. Belə ki, hazırda "Buta Eirveys"in marşrut şəbəkəsinə hazırda Rusiyanın 5 şəhəri - Moskva, Sankt-Peterburq, Kazan, Həştərxan və Mineralnıye Vodı şəhərləri daxildir.

Aviaşirkətin digər istiqamətləri kimi Bakı-Ufa marşrutu üzrə də minimal tarif 29 avro (bir tərəfə) təşkil edəcək.