Moskva polisi kiberhücumların qarşısının alınmasında ixtisaslaşan “IB Qrup” şirkətinin əməkdaşları ilə birgə təqaüdçülərın pullarını fırıldaqçılıqla ələ keçirən qrupu yaxalayıb.

Axar.az xəbər verir ki, fırıldaqçıların fəaliyyəti nəticəsində 70-84 yaş arasında olan insanlar zərər çəkib. Belə ki, fırıldaqçılar yaşlı insanlara dərman və tibbi vasitələr almaq qarşılığında böyük miqdarda kompensasiyalar ödəyəcəyi ilə bağlı vəd veriblər. Üstəlik, bu vədləri onlar zərərçəkənlərin evinə Moskva prokuroru simasında gələrək veriblər. Onların fəaliyyəti nəticəsində vətəndaşlara ümumilikdə 10 milyon rubl zərər dəyib.

Fırıldaqçılıq sxemini Moskvaətrafında yaşadığı vurğulanan və hələlik adı açıqlanmayan 35 yaşlı Azərbaycan vətəndaşının hazırladığı bildirilib.

7 fırıldaqçı fevralın 5-də həbs olunub.