Yuxarı

Prezidentdən inqilabi qərar: On minlərlə ailə sevinəcək

Ana səhifə Toplum
12 Punto 14 Punto 16 Punto 18 Punto

Mənzil sahibləri bundan sonra sənəd problemi ilə üzləşməyəcək.

Bu sözləri Axar.az-a Prezident İlham Əliyevin bəzi çoxmərtəbəli binaların istismarına icazə verilməsinin sadələşdirilməsi haqqında fərmanını şərh edən “MBA Group” konsaltinq şirkətinin baş direktoru Nüsrət İbrahimov deyib.

Ekspert bildirib ki, fərman sosial problemlərin həllində mühüm rol oynayacaq:

“Uzun illərdir ki, binaların əksəriyyətinin istismara qəbul aktı yox idi, ona görə də orada yaşayan vətəndaşlar öz hüquqlarını təsdiq edən sənəd əldə edə bilmirdilər. Təbii ki, binaların sayı artdıqca bu problem böyüyürdü. Ancaq yeni fərmana əsasən, yaşayış şəraiti olan, kommunikasiyalarla təmin edilən və təhlükəsizlik haqda rəyi olan bütün binaların ilin sonuna qədər sənədləşməsi mümkün olacaq.

Birincisi, insanlar öz mənzillərinin qanuni sahibinə çevriləcək. İkincisi, MTK-lar artıq mənzil alğı-satqısı ilə bağlı səlahiyyətlərindən məhrum olacaq və bu səlahiyyətlər birbaşa mənzil sahibinə keçəcək. Bununla da mənzil alğı-satqısı zamanı yaranan əlavə xərclərə və müəyyən problemlərə birdəfəlik son qoyulacaq, eyni zamanda, vətəndaşlar gələcəkdə öz mənzillərini notarial qaydada sata və ya girov qoyaraq ondan yararlana biləcək”.

N.İbrahimov yeni fərmanın bir sıra iqtisadi problemlərin həllinə səbəb olacağını vurğulayıb:

“Dövlət Statistika Komitəsi hər il hesabat verirdi ki, il ərzində 1,7 və ya 2 milyon kvadrat metr mənzil sahəsi istismara verilir. Bu rəqəmlər reallığı əks etdirmirdi. Çünki tikilən mənzillərin çoxu istismara qəbul aktı olmadığından qeydiyyata düşmürdü. Yeni fərmandan sonra bu məsələ statistika düsturu ilə aparılacaq və nəticədə daha çox mənzil sahəsi istismara veriləcək”.

Ekspert fərmanda torpaq sahələrinin təyinatının dəyişdirilməsi ilə bağlı məsələnin də əksini tapdığını deyib:

“Bəzi binalar kənd təsərrüfatı əhəmiyyətli torpaqların üzərində tikilmişdi. Bu binalarda böyük problemlər var idi. Ancaq bundan sonra torpaqlar hansı real təyinatı üzrə işlədilirsə, o da sənəddə öz əksini tapacaq”.

Qeyd edək ki, Prezident İlham Əliyev bəzi çoxmənzilli binaların istismarına icazə verilməsinin sadələşdirilməsi haqqında fərman imzalayıb.

Tarix
2019.02.19 / 17:57
Müəllif
Aygün Yusibova
Şərhlər
Digər xəbərlər

Akar ABŞ konqresmenləri ilə sülh prosesini müzakirə etdi

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla